16:20

Son günlər xəstəxanaların koronavirusa yoluxmuş xəstələrlə dolması sərt karantin rejiminin tətbiqini gündəmə gətirib. Bəzi şəxslər isə iyunun 20-dən ay sonuna kimi sərt karantin rejiminin tətbiq edilməsini məqbul sayırlar.

Məsələ ilə bağlı Axar.az-a açıqlama verən TƏBİB-in mətbuat katibi Rəvanə Əliyeva deyib ki, sərt karantin rejiminin tətbiqi haqda qərarı Operativ Qərargah verir və brifinqlərdə bu barədə rəsmi elan verilir.

Xəstəxanaların dolması ilə bağlı danışan R.Əliyeva bildirib ki, hazırda modul tipli xəstəxanalar fəaliyyətə başlayıb:

“Xəstələrin yerləşdirilməsi ağırlıq dərəcəsinə görə həkimlərin verdiyi qərara uyğun, növbə ilə həyata keçirilir”.