COVİD-19 testi götürən 3 özəl klinikadan biri artıq bu xidməti göstərmir.

Axar.az xəbər verir ki, “Referans” klinikasında hazırda koronavirus testi götürülmür.

Klinikadan bildirilib ki, tibb müəssisəsinin bu xidməti dayandırmasına səbəb testin aparılması üçün ləvazimatların olmamasıdır.

Xatırladaq ki, koronavirus testlərin özəl kliniklardan “İnci” laboratoriyası, “Referans” klinikası və "Memorial Klinik"də aparılırdı.

Qeyd edək ki, koronavirusun aşkarlanması üçün özəl klinikalarda götürülən testlərin qiyməti 40-130 manat arasında dəyişir. Testlər həm yaxma nümunəsi götürülməklə, həm də qan analizi vasitəsilə aparılır. Qan müayinəsinin qiyməti 40-110 manat arasında dəyişir. Bu analizin nəticəsi gün ərzində məlum olur.

Burundan yaxma nümunəsi götürülməklə aparılan müayinələr PSR üsulu ilə olur və onun nəticəsi 24-48 saat ərzində açıqlanır. PSR üsulu ilə aparılan müayinənin qiyməti təxminən 100-130 manatdır.