Rusiya virusoloqları koronavirusun ikinci dalğasının mümkünlüyü barədə xəbərdarlıq ediblər.

Axar.az xəbər verir ki, mütəxəssislər Avropada hazırda müşahidə olunan dalğanın Rusiyaya iki həftə sonra çatacağını proqnozlaşdırıblar.

Onların sözlərinə görə, əgər insanlar tibbi maskadan istifadə etməsə və sosial məsafəni gözləməsə, koronavirus Rusiyada geniş yayılacaq.

Mütəxəssislər sərhədlərin qapalı olması baxımından virusun xaricdən gəlməsinin mümkün olmadığını, əksinə, ölkə içində insanların qorunmayacağı halda genişlənəcəyini qeyd ediblər.

Bəzi ekspertlər isə ikinci dalğanın payıza doğru yaşanacağını istisna etməyiblər.

Qeyd edək ki, ÜST-ün Avropa təşkilatının rəhbəri Hans Klüqe Avropada koronavirusa yoluxma sayında son bir həftədə ilk dəfə olaraq artım müşahidə edildiyini, artıq 30 Avropa ölkəsində bu narahatlığın yaşandığını bildirmişdi.