Respublika Diaqnostika Mərkəzinin tanınmış mütəxəssisləri Quba Diaqnostika Mərkəzində pulsuz xidmət göstərəcək.

Axar.az xəbər verir ki, bu barədə Səhiyyə Nazirliyinin mətbuat xidmətinin əməkdaşı Səfayə Əhmədova Feysbuk hesabında məlumat paylaşıb.

Belə ki, aprel ayının 8-də saat 09:00-dan-14:00-dək davam edəcək müayinələrə Respublika Diaqnostika Mərkəzində fəaliyyət göstərən türkiyəli radioloq Əhməd Məmiş, Belarusiyanın tanınmış ginekoloqu Aleksandr Barsukov, ginekoloq-endokrinoloq Pərvin Nəbiyeva, pediatr-neonatoloq Təzibə Mirzəliyeva, həkim kardioloq Rauf Səmədov, kardiocərrah Pərviz Məmmədov, otorinolarinqoloq (LOR) Anar Əsqərov, oftalmoloq Eloğlu Məmmədov.

Müayinələrə ətraf rayonları sakinləri də müraciət edə bilər.