Müəyyən şərtlərdə koronavirus infeksiyası 8 metrə qədər məsafədə ötürülə bilər.

Axar.az Publika.az-a istinadən xəbər verir ki, Helmholtz yoluxucu xəstəliklər tədqiqatları mərkəzinin alimləri araşdırma nəticəsində bu qənaətə gəlib.

May ayında müəssisələr meydana gələn xəstəliyin yayılmasını araşdırıb. Belə ki, bir neçə ay əvvəl 1500-dən çox işçinin koronavirusa yoluxduğu ət zavodunda - soyudulmuş anbarda virusun ötürülməsi prosesi araşdırılıb və arzu edilməyən nəticələr əldə edilib.

“Burada müxtəlif amillərin birləşməsi koronavirusun nisbətən uzun məsafəyə ötürülməsini təmin edir”, - hesabatda qeyd edilir.

Hansı şərait COVID-19-un daha böyük məsafəyə yayılmasına imkan verir?

Alimlər vurğulayıb ki, koronavirusun yayılmasında əsas amil, ehtimal ki, soyuq hava və otağın kifayət qədər havalanmamasıdır. Belə şəraitdə 1,5-3 metrə qədər məsafə özünüzü infeksiyadan qorumaq üçün kifayət etməyə bilər.

Xatırladaq ki, bundan əvvəl London İmperial Kollecinin alimləri koronavirus infeksiyası simptomlarının havadan asılı olaraq şiddətləndiyini açıqlamışdı.