Ana səhifə Sağlıq |
Ümumdünya Hemofiliya günü ilə əlaqədar Beynəlxalq Mətbuat Mərkəzində tədbir keçirilib.
Axar.az xəbər verir ki, Hemofiliyalı Xəstələrin Respublika Assosiasiyası tərəfindən təşkil edilən tədbirdə dövlət strukturları nümayəndələri, ictimai liderlər, hemofiliyalı uşaqlar və onların ailə üzvləri də iştirak ediblər.
Tədbirdə həyatı daim təhlükə altında saxlayan bu xəstəliklə bağlı məlumat verilib, xəstəliyin həlli yolları haqqında danışılıb. Onun müayinə və müalicəsi barədə məlumat verilib. Bildirək ki, hemofiliya həyatı daim təhlükə altında saxlayan qanda laxtalanma faktorunun çatışmazlığından yaranan irsi xəstəlikdir.
Qeyd edək ki, Azərbaycanda 1455 nəfər hemofiliyalı xəstə var. Onlardan 1-10 yaşa qədər 135 nəfər, 11-20 yaşa qədər 270 nəfər, 21-30 yaşa qədər 536, 31-40 yaşa qədər 271 nəfər, 40 yaşdan yuxarı 161 nəfər vətəndaş hemofiliyadan əziyyət çəkir.
Ümumdünya Hemofiliya günü ilə əlaqədar keçirilən tədbirin sonunda hemofiliyalı uşaqların ifasında konsert proqramı təşkil edilib.
Tarix
2015.04.17 / 15:22
|
Müəllif
Əli Taleh
|