Oktyabr və noyabr aylarında COVİD-19-la bağlı ölüm halları arta bilər.

Axar.az xəbər verir ki, bunu ÜST-ün Avropa regional bürosunun direktoru Hans Klüqe deyib.

“Bilirəm ki, ölkələrin bu pis xəbəri eşitmək istəmədiyi bir vaxtdır. Amma kütləvi peyvəndləmənin pandemiyanın sonu olacağını düşünmək yanlışdır. Çünki peyvəndin hər kəsə təsir edib-edməyəcəyini bilmirik. Daha sonra fərqli peyvəndlər sifariş etməli olsaq, tam bir logistik kabus yaşanacaq. Cəmiyyət olaraq COVİD-19-la necə yaşamağı öyrəndiyimiz an pandemiyanın sonu olacaq. Bu bizə bağlıdır və çox vacib mesajdır”, - direktor bildirib.