Yay ayları yaxınlaşır. İsti havada ən ideal istirahət yeri isə hovuzlar və dənizdir. Bəs hovuzların insan sağlamlığına ziyanları haqda kifayət qədər məlumatımız varmı?

Axar.az xəbər verir ki, qulaqda ən çox rast gəlinən problemlərin mənbəyi hovuz və dənizlərdən qaynaqlanır. Təmiz hesab etdiyimiz hovuz və dənizlər qısa zaman ərzində qulaq iltihabına səbəb ola bilir.

Qulaqda mövcud olan iltihab əsasən yay aylarında meydana çıxır. Mütəxəssislər hovuz və dənizlərə girərkən qulaqları bağlamağı tövsiyə edir. Çünki qulaqda yaranan bu xəstəlik üçün münbit şərait isti və nəmlikdir. Qulaq qaşıntısı, yaşımtıl iltihabla özünü göstərən xəstəlik çox vaxt sancı və ağrılarla da müşahidə olunur.