Rusiyalı stomatoloq Aleksandr Korostelyov diş fırçalarının düzgün seçimi və istifadəsi ilə bağlı bəzi tövsiyələr verib.

Axar.az xəbər verir ki, bu barədə həkim “PolitEkspert” nəşrinə danışıb.

O, diş fırçalarının beş növə bölündüyünü qeyd edib:

“Çox yumşaq, yumşaq, orta yumşaq, sərt, çox sərt. İnsanların 90 faizi orta səviyyəyə üstünlük verir. Sərt fırça həkimlər tərəfindən ümumiyyətlə təyin edilmir. Mən xəstələrin dişlərini bu tip fırçayla təmizləmələrini tövsiyə etmirəm, çünki bu zaman diş ətində zədələnmə yaranır.”

A.Korostelyov dişin səthinə zərər verməmək üçün fırça ilə düzgün hərəkət etmək lazım olduğunu bildirib:

“Həmçinin yalnız süni tüklü fırçalardan istifadə etməyi tövsiyə edirəm, çünki təbii olanlara mikroorqanizmlər çox tez yığılır”.