Hazırda dünyada istifadə olunan əksər vaksinlərin insana tətbiq edilməsində ikili dozadan istifadə olunur.

Axar.az xəbər verir ki, bunu Səhiyyə Nazirliyinin Səhiyyənin təşkili şöbəsinin müdiri Teymur Musayev Nazirlər Kabineti yanında Operativ Qərargahın bu gün keçirilən brifinqdə deyib. O qeyd edib ki, ikinci doza 21 gün sonra tətbiq edilir:

"Hazırda dünyada COVID-19 əleyhinə istifadə olunan vaksinlərin effektivliyi 95-97 faiz arasındadır".

T.Musayev qeyd edib ki, "Sinovak" vaksini ənənəvi və etibarlıdır, yüksək qoruyuculuq və uğurlu sınaq nəticələri var, saxlanma şəraiti, çatdırılma və tətbiq şərtləri asandır.

O, əhalinin hədəf qruplarını vaksinasiyada aktiv iştirak etməyə çağırıb.