Türkiyəli infeksionist Ümid Savaşçı Türkiyədə də aşkarlanan Hindistan mutasiyası haqqında danışıb.

Axar.az Medicina.az-a istinadən xəbər verir ki, Ümid Savaşçının sözlərinə görə, hazırda Hindistanda vəziyyət çox çətindir:

“Cüt mutasiya bizim üçün ən qorxunc olanıdır. Hazırda Hindistan mutasiyası 17 ölkəyə yayılıb. Lakin “Bionteç” vaksininin Hindistan mutasiyasına qarşı təsirli olduğu deyilir. Vaksinasiya ən böyük silahımızdır. Hindistandakı mütəxəssislər bunun simptomlarının çox ağır, digər mutasiyalara nisbətən daha yoluxucu və öldürücü olduğunu deyirlər. Açığı, bizim də gözümüz qorxdu. Hindistan mutasiyasında ən çox yüksək temperatur, ishal, nəfəs darlığı kimi əlamətlər ön plandadır.

Əgər ölkədə 2 ay sonra vaksinasiyada yetərli say olmazsa, yenidən yoluxma sayında partlayışla qarşılaşa bilərik. Buna görə də xüsusilə uçuşlar, sərhədlər, görüşmələri sıfra endirmək lazımdır.

Təmaslar davam edərsə, ciddi sağlamlıq problemləri yaşanıla bilər. Türkiyədə də rəqəmlər enib. Amma istədiyimiz sayda deyil. İnsanlar getdikləri yerlərdə təmaslara davam edərlərsə, koronavirusa yoluxarlarsa, çox ciddi xəstəliklər yaşaya bilərlər”.