Axar.az
Yuxarı

Uşağın burnu axırsa, buna sevinməliyik – Pediatr

Ana səhifə Sağlıq
12 Punto 14 Punto 16 Punto 18 Punto

Uşaqlı analar dərmanın adını deyil, tərkibini əzbərləməlidirlər. Məsələn, dərmanın adı “Stopnos” ola bilər. Amma tərkibində selikli qişanı qurudan oksimetazolin və ksilometazolin maddəsi ola bilər. Bu tərkibdə olan “Nazivin”, “Snup”, “Otrivin”, “Naftizin” kimi burun damcılarının üzərinə “baby” sözü yazılsa belə, 3 gündən artıq istifadə edilməməlidir.

Bu sözləri Axar.az-a həkim Aytən İsmayılzadə uşaqlar üçün qrip əleyhinə istifadə olunan burun damcılarının zərərlərindən danışarkən deyib.

“Oksimetazolin, ksilometazolin damarları daraldır. Seliyin az yaranmasına kömək edir. Lakin damar daralarsa, selikli qişada qan dövranı pozular və aclıq yaranar. Bu da selikli qişanın məhvinə gətirər. Selikli qişa burunun bəbəyidir. Selikli qişası atrofiyalaşmış burun süni göz kimidir. Sadəcə hava keçən bir tuneldir. Selikli qişanın həmişə nəm olması vacibdir. Yəni uşağın burnu axırsa, biz buna sevinməliyik. Vay o günə ki, selikli qişa atrofiyalaşa, quru burunda atrofik rinit yarana. Valideynlər həkim nəzarəti olmadan uşağa burun damcısı alarkən tərkibinə mütləq baxsınlar”, - A.İsmayılzadə bildirib.

Pediatr qeyd edib ki, burunundan çirk axan uşaqlar üçün çaytikanı yağı istifadə etmək faydalıdır:

“Çaytikanı yağı allergiyası olmayan körpələr üçün 2 yaşa kimi qulaq çöpü ilə, 2 yaşdan sonra isə buruna pipetlə damcılatmaqla istifadə oluna bilər. Çaytikanı yağı öz təsirinə görə bakteriyalara qarşı öldürücüdür, yara sağaldıcıdır. Ümumiyyətlə, el arasında həmişə uşaq burunu tutulanda yağ istifadə edilib. Çaytikanı yağını tez-tez burun qanaması olduqda da təyin edirik. Məsələn, uşaqda ardıcıl burun qanamaları olubsa, 1 ay muddətində bu yağdan istifadə edilə bilər. Hətta allergik rinit olan uşaqlar üçün hər axşam istifadəsi faydalıdır. Selikli qişaya düşən allergenlər yağa yapışır və selikli qişa allergik iltihab törədə bilmir. Ən azından uşaq səhər duranda asıqrmaq və burun tutulması şikayəti etmir”.

Tarix
2021.09.24 / 16:45
Müəllif
Aytəkin Qardaşova
Şərhlər
Digər xəbərlər

Ölkəmizdə daha 20 nəfər koronadan öldü

SN-in eksperti valideynlərə müraciət etdi

Yoluxmanın artması bizi də narahat edir - İnfeksionist

Deputatdan SOS: Hazır olun, yoluxma 20 mini keçəcək - Video

Aspirinin üç əks-təsiri - Diqqət!

Kovid zamanı antibiotik qəbul etmək təhlükəlidir - Həkim

Ürək xəstəliyinin 7 göstəricisi...

Bu sular ciddi təhlükədir – Həkimdən xəbərdarlıq

C vitamininin təhlükəsi: Tanınmış həkim danışdı

Yaponiyada yeni virus aşkarlandı

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla