Yuxarı

Son yoluxmaların 90 faizi... - İnfeksionist

Ana səhifə Sağlıq
12 Punto 14 Punto 16 Punto 18 Punto

Azərbaycanda yeni növ koronavirus (COVID-19) infeksiyasına yoluxma sayının artması əsasən Omikron ştammı ilə əlaqədardır.

Axar.az xəbər verir ki, bu barədə Səhiyyə Nazirliyinin mütəxəssis-eksperti, həkim-infeksionist Təyyar Eyvazov nazirliyin İnstaqram hesabında COVİD-19 mövzusunda çıxışı zamanı deyib.

“Həmin ştammın yoluxduruculuğunun yüksək olması nəticəsində xəstələrin yaxın təmasda olduğu, demək olar ki, hər kəs koronavirusla xəstələnir. Lakin müsbət haldır ki, Omikron ştammının inkubasiya dövrü əvvəlkilərlə müqayisədə daha az, adətən, 1-3 gündür”, - həkim-infeksionist vurğulayıb.

T.Eyvazov bildirib ki, son yoluxmaların 90 faizinin əlamətləri Omikron ştammı ilə üst-üstə düşdüyünə görə xüsusi yoxlamalara ehtiyac duyulmur:

“Ona görə də demək olar ki, son yoluxmaların 90 faizi Omikronla əlaqəlidir. Lakin xəstəlik yüngül keçdiyinə görə xəstəxanalara yatışların sayı çox deyil. Ambulator müalicə alan xəstələrin sayı isə çoxalıb. Xəstəlik yüngül keçsə də, yoluxmaların sayının artması müvafiq olaraq səhiyyə yükünün də müəyyən qədər artmasına gətirib çıxarıb”.

Həkim-mütəxəssisin dediyinə görə, hazırda ölkədə uşaqların Omikron ştammı ilə yoluxması barədə rəsmi statistik göstərici yoxdur:

“Dünya təcrübəsinə əsasən isə uşaqlar arasında Omikrona yoluxma Deltaya nisbətən daha çoxdur. Uşaqlar da yeni ştammı böyüklərlə, demək olar ki, eyni keçirir, lakin xəstəliyin əlamətləri nisbətən daha yüngül olur. Bir müddətdir ki, ölkədə uşaqlar arasında yayılmış infeksiyaların hər birini COVID-19-la əlaqələndirmək olmaz. Onların əksəriyyəti fəsli virus infeksiyaları idi”.

Tarix
2022.01.26 / 17:47
Müəllif
Axar.az
Digər xəbərlər

Türkiyədə daha bir bələdiyyə sədri saxlanıldı

Əbu-Dabidə tarixi görüş: Sülh üçün əsas düyün nöqtəsi...

Elşən İbrahimov Rusiyanı belə tərk elədi - Video

Rusiya Azərbaycandan bu məhsulların idxalını qadağan etdi

İlham Əliyev BƏƏ prezidentinə hədiyyə təqdim etdi - Foto

Elşən İbrahimov Rusiyadan deportasiya olunur

Baş nazir mühüm qərar imzaladı

DSX mayoruna hücum: Ramal Aslanov ifadə verdi

Azərbaycanla BƏƏ hərtərəfli tərəfdaşlıq sazişi imzaladı

Nazir bu ölkələrin rəsmiləri ilə görüşdü - Video

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla