Çuğundur şirəsi infarkt və insultdan qoruyur.

Axar.az Publika.az-a istinadən xəbər verir ki, bu barədə diyetoloq, biologiya elmləri namizədi Aleksandr Miroşnikov “Rossiya 1” kanalında yayımlanan “О самом главном” verilişinin efirində danışıb. Ürək-damar xəstəliklərinin qarşısını almağın yollarından danışan həkim bildirib ki, çuğundur şirəsi çox faydalıdır.

Mütəxəssis izah edib ki, bu içkinin tərkibində orqanizmdə zərərli xolesterinin səviyyəsini azaldan maddələr - flavonoidlər var. O qeyd edib ki, artıq xolesterin ürək-damar xəstəliklərinin əsas səbəbidir.

Həkim əlavə edib ki, özünüzü infarkt və insultdan qorumaq üçün gündə 250 mililitr çuğundur suyu içməlisiniz.