İnsanlar hələ də gözlənilən uzun ömür həddinə yaxınlaşmayıblar.

Axar.az Medicina.az-a istinadən xəbər verir ki, ABŞ Corciana Universitetinin mütəxəssisləri insanın 122 ildən çox yaşaya biləcəyini müəyyən edib.

122 il 1997-ci ildə vəfat edən Janne Calmentin yaşadığı maksimum qeydə alınan yaşdır. Alimlər hesab edirlər ki, 2060-cı ilə qədər insanın ömrü 150 ilə qədər uzanacaq.

Tədqiqatçılar 19 inkişaf etmiş ölkədə, o cümlədən Yaponiya, ABŞ, Avstraliya və digərlərində 50-100 yaş arası insanlar haqqında məlumatları təhlil edərək bu qənaətə gəliblər.

“1900-1950-ci illər arasında doğulmuş insanlar ölüm nisbətində tarixdə görünməmiş bir gecikmə yaşayırlar. Bu qrup insanlar növbəti onilliklərdə qocalığa çatdıqca, uzunömürlülük nisbətləri əhəmiyyətli dərəcədə arta bilər. Nəticələrimiz təsdiqləyir ki, əgər insan ömrünün maksimum həddi varsa, biz hələ ona yaxınlaşmamışıq”, - alimlər bildirib.