Türkiyənin dünyaca məşhur tibbi turizm şirkəti "Myİntercon" artıq Bakıdadır. Bundan sonra xaricdə ucuz müalicə almaq daha asan olacaq. Türkiyənin "Myİntercon" şirkəti fevralın 1-dən etibarən Bakıda da fəaliyyət göstərəcək.

Bu haqda Axar.az-a məlumatı Türkiyədə yerləşən dünyaca məşhur "Myİntercon" sirkətinin təmsilçisi Elçin Bağırov verib. Fevralın 1-dən etibarən işə başlayacaq şirkət Bakıda "Yes Medical" adı altında fəaliyyət göstərəcək.

"Yes Medical" tibbi turizm təşkil edəcək. "Yes Medical"ın təklifləri sırasına otel rezervasiyası, transfer, uçuş nizamlaması, tərcümə xidmətləri, tərcüməçi-bələdçi xidmətləri, rəsmi icazə və məlumat alınması, viza, turistik gəziləcək yerlərlə bağlı məlumat vermək, professional rəhbər yoldaşlığı ilə şəhər turları daxildir. Lazım olduğu təqdirdə "Yes Medical" qrupu tərəfindən uçuş biletləri də təşkil edilir.

"Yes Medical"ın Türkiyə daxilində 150-dən artıq xəstəxana ilə müqaviləsi var və müraciət edənlər "Yes Medical" vasitəsilə müalicələrinə uyğun xəstəxanada yerləşdirilirlər.