Həkimlər dedi ki, təzyiqim qalxdığına görə burnumdan qan açılıb.

Bu sözləri tanınmış jurnalist Xalid Kazımlı səhhətində yaşanan problem haqda Axar.az-a danışarkən deyib. O, hazırda yaxşı olduğunu bildirib:

"Bakı Sağlamlıq Mərkəzində müalicə alıram. Daha "yaxşıyam" deyə bilərəm. Yəqin ki, 2-3 günə evə buraxılacam. Əvvəllər bir-iki dəfə təzyiqim qalxmışdı. Ümumiyyətə, 40 yaşdan sonra gərək diqqət edəsən, mən diqqət yetirmədim, ona görə belə oldu".

Qeyd edək ki, "Yeni Müsavat" qəzetinin redaktoru Elşad Məmmədlinin şəxsi Feysbuk səhifəsində verdiyi məlumata görə, Xalid Kazımlı dünən axşam təcili şəklidə xəstəxanaya yerləşdirilib. Burnundan güclü qan açılıb. Həkimlər qanı kəsib. Müalicə davam edir.

Həmkarımıza şəfalar diləyirik.