Autizmə qarşı müalicə üsulu tapa bilməyən çinli alimlər autistik meymun yaradıb.

Axar.az xarici mətbuata istinadən xəbər verir ki, Çin Elmlər Akademiyasında araşdırma aparan alimlər bununla autistik beynin reaksiyasını daha yaxşı analiz etməyi hədəfləyir.

Tədqiqatçı Zilonq Qui sınaq olaraq istifadə edilən meymunların autizmin insanlara təsirini anlamaqda çox önəmli rol oynadığını qeyd edib.ABŞ-ın Massaçusetts Texniki Universitetinin araşdırmasına görə, gen transplantasiyası sayəsində autistik hala gətirilən meymunlar autistik insanlarla oxşar hərəkətləri göstərib.

Qeyd edək ki, autizm üç yaşından əvvəl başlayan və ömür boyu sürən, ictimai qarşlılıqlı təsirə və ünsiyyətə zərər verən, məhdud və təkrarlanan davranışlara gətirib çıxaran, beyin inkişafına çətinlik yaradan xəstəlikdir.