Uşaqlarda qasıq yırtığının cərrahi müalicəsi olaraq Laparoskopik herniorafiya (PİRS - percutaneous internal ring suturing) artıq dünyanın bir çox qabaqcıl mərkəzlərində qızıl standart olaraq qəbul edilməkdədir.

Bu sözləri Axar.az-a uşaq cərrahı tibb elmləri üzrə fəlsəfə doktoru Toğrul Ömərov uşaqlarda qasıq yırtığının müalicəsindən danışarkən deyib.

Onun sözlərinə görə, bu metodun açıq əməliyyata görə bir neçə üstünlüyü var:

1. Kosmetik nəticə 2. Daha az travmatik olması (sonsuzluq riskinin olmaması) 3. Əməliyyat zamanı digər tərəfdə gizli yırtıq varsa videoskop vasitəsilə rahatlıqla aşkarlanması və eynivaxtlı korreksiyası əməliyyatın üstünlüklərindən hesab edilir.

Fəlsəfə doktorunun sözlərinə görə, bu cür hallar qeydə alınarsa, mütləq peşəkar uşaq cərrahlarına müraciət edilməlidir.

Qeyd edək ki, sözügedən əməliyyat çox travmatik olduğuna görə açıq əməliyyat tövsiyə olunmur.

Doktor Toğrul Ömərovun paylaşdığı görüntünü BU LİNK-dən izləyə bilərsiniz.