Alkoqolizm, içki asılılığı, əyyaşlıq narkomaniya kimi xəstəlik və asılılıqdır. Onu ilkin mərhələdə aşkar etmək çox vacibdir. Xəstələr tədricən dozanı artırır, yaddaşında pozulmalar baş verir.

Axar.az Medicina.az-a istinadən xəbər verir ki, psixiatr-narkoloq Ruslan İsayev ilk simptomları açıqlayıb.

“Birinci mərhələ üçün xəstə içki olan məclis, ad günü, bayramları və ya işdən sonra axşamı səbirsizliklə gözləyir, hər dəfə də dozanı ötəndəfəkiyə nisbətən bir qədər artırır.

Doğmaları onda aqressiya, içkidən sonra həyəcan, yuxululuq və getdikcə yaddaşında qısaqapanma kimi "alkoqol palimsestləri" müşahidə edə bilər.

Digər göstərici qusma refleksinin itməsidir. Sağlam şəxslər böyük doza və zəhərlənmədən qaytarır, amma alkoqoliklərdə zamanla bu itir və o, zəhərlənsə belə, qusmur.

Ailəsinin təkidi ilə içkini tərgitmiş kimi davranır, 2 həftə dözür, lakin sonra istənilən təklifə qarşı dayana bilmir və alkoqolu dadır. Bu simptomlar onu göstərir ki, burda artıq iradə rol oynamayacaq, xəstə narkoloqa, psixiatra müraciət etməlidir. Effektiv müalicə metodları var”, - R.İsayev bildirib.