Moskva Bakıya diaspor rəhbərlərinin qovulmasından daha çox zərər verəcək cavab hazırlayır.

Axar.az xəbər verir ki, bu barədə mühacir jurnalist Elbəyi Həsənli Rusiyanın “Topnyus.ru” saytından sitat gətirib.

“Sayt yazır ki, Azərbaycanın Ukraynaya qaz verməsi Rusiyaya qarşı hörmətsizlikdir. Azərbaycanın əsas hədəfi odur ki, Qazaxıstan neftini və Türkmənistan qazını Rusiyadan yan keçməklə Avropaya ötürsün. Bu isə Moskvanın maraqlarına ziddir.

İlham Əliyev Qərbə deyir ki, Qafqazda söz sahibi Türkiyə və Azərbaycandır. Rusiya burada yoxdur. Ona görə də Rusiyanın cavabı sərt və əhatəli olmalıdır.

Bəs Rusiya “cavab sərt və əhatəli olmalıddır” deyəndə nəyi nəzərdə tutur? Orası bəlli deyil. Bəlli olan odur ki, Rusiyadan istənilən yaramazlığı gözləmək olar”, - E.Həsənli xatırladıb.