Əvvəldən konstitusiya üçün iki təklif hazırladıq. Bunlardan biri islahat aparılması ilə bağlıdırsa, digəri rəhbərlik sistemi ilə əlaqədardır.

Axar.az xəbər verir ki, bu açıqlama ilə Türkiyə Baş nazirinin müavini Numan Qurtulmuş çıxış edib.

"Ən qısa müddətdə konstitusiyaya dəyişikliklə bağlı təkliflər paketini Türkiyə Böyük Millət Məclisinə təqdim edəcəyik. 367 səs toplasaq, təsdiqlənəcək, ya da 330 olarsa referenduma gedəcəyik. Xəyanətə qarşı mübarizəmizi əzmlə davam etdirəcəyik. 15 iyul gecəsi TBMM-nin 20 metrliyinə bombalar düşərkən partiyalardan dəyərli dostlarımız Məclisin işini davam etdirdilər. Təxminən 150 deputat dostumuza təşəkkür etməyi özümə borc bilirəm. Türkiyənin milli maraqlarını qorumaq məcburiyyətindəyik", - Qurtulmuş qeyd edib.