Kremlin Suriyadakı fəaliyyəti SSRİ-nin Əfqanıstandakı müharibəsi kimi fəlakətlə bitəcək.

Axar.az xəbər verir ki, bunu Ukrayna mətbuatına açıqlamasında siyasi ekspert Vitali Portnikov söyləyib.

“Hələb qazanılıb, amma Palmira itirilib. Hamısı 80-ci illərdə Əfqanıstanda olduğu kimidir. Müsəlman ölkəsində baş verən vətəndaş müharibəsinə açıq müdaxilə SSRİ-ni məhv etdi. İndi belə savaşlardan biri Rusiyanı da sarsıdacaq. Rusiyalılar hələ təsəvvür etmirlər ki, öz rəhbərlərinin qərarlarına görə hansı dəhşətli qiyməti ödəməli olacaqlar”, – o bildirib.

Qeyd edək ki, İŞİD terror təşkilatı bundan öncə Rusiya və Suriyanın geri aldığı Palmira şəhərini yenidən ələ keçirib. Suriya ordusu artıq Palmiranın ətraf rayonlarına çəkilib. Palmirada məğlub olan Rusiya və Suriya Şərqi Hələbdə tam olaraq nəzarəti əllərinə alıblar. Bəzi ekspertlər Palmiranın ələ keçirilməsində İŞİD-ə Qərb ölkələrinin yardım etdiyini bildiriblər.