Dünən, dekabrın 19-da Ukraynada Azərbaycanın fövqəladə və səlahiyyətli səfiri Azər Xudiyev Ukraynanın daxili işlər naziri Arsen Avakovla görüşüb.

Bu barədə virtualaz.org-a Azərbaycanın Ukraynadakı səfirliyindən bildirilib. Qeyd olunur ki, görüş Ukrayna DİN başçısının şəxsi təşəbbüsü ilə baş tutub.

Görüşdə fikir mübadiləsi aparılıb, Ukraynada azərbaycanlılara qarşı törədilən cinayətlərin sayının artmasına diqqət çəkilib. Arsen Avakov qeyd edib ki, azərbaycanlılara qarşı törədilmiş cinayətlərlə bağlı onun sərəncamında olan statistika Azərbaycan KİV-də dərc olunandan fərqlidir.

A.Avakov bildirib ki, Ukraynada azərbaycanlılara qarşı milli zəmində cinayətlər yoxdur və ola bilməz. Nazir xüsusilə qeyd edib ki, özü də Bakıda anadan olub və dostlarının arasında azərbaycanlıların sayı az deyil.