Rəsmi Vaşinqtonun sanksiyalar daxil, düşmən xarakterli addımlarına adekvat cavab veriləcək.

Axar.az xəbər verir ki, bu barədə Rusiya Xarici İşlər Nazirliyi məlumat yayıb.

“İndi də seçkilərdə baş verən uğursuzluqlarını pərdələmək üçün bəhanə axtararaq Rusiya-Amerika əlaqələrini baltalamağa çalışırlar. Hətta ABŞ-dakı rus diplomatlarının belə təhlükə altında olduğu barədə məlumat yayılır. Əgər belə hal baş verərsə, bu, Rusiyadakı amerikalı diplomatlara da təsirini göstərəcək”, - bəyanatda bildirilib.

Qeyd edək ki, “Vaşinqton Post” qəzeti ABŞ-ın Rusiyaya qarşı yeni sanksiyalar hazırladığını iddia etmişdi.

Buna səbəb kimi, Moskvanın 8 noyabr tarixində ABŞ-da baş tutan prezident seçkilərinə müdaxilə etdiyi göstərilmişdi.