ABŞ-ın 45-ci Prezidenti Donald Trampı andiçmə mərasimi və ilk qanunların imzalanması ilə əmrlərin verilməsindən sonra mühakimə etmək lazımdır.

Axar.az xəbər verir ki, bunu Rusiya Federasiya Şurasının Xarici Əlaqələr Komitəsinin sədr müavini Andrey Klimov bildirib.

"Andiçmə mərasimi keçiriləcək, Tramp ilk qanunu imzalayacaq, ilk əmrləri verəcək, bundan sonra onun hədəflərini anlayacağıq. Barak Obamadan fərqli olaraq, Tramp müxtəlif siyasi layihələrlə məşğul olmayacaq. ABŞ-ın sənaye və intellektual dövlət kimi gücünü bərpa etməyə çalışacaq. O, amerikalı vergi ödəyicilərinin arxasından Qərbin liberal dəyərlərini həyata keçirmək niyyətində deyil", - Klimov qeyd edib.