12:13

Moskvada Azərbaycan, Ermənistan və Rusiya xarici işlər nazirlərinin görüşü olmayacaq.

Axar.az xəbər verir ki, bu barədə informasiyanı “Qraparak” qəzeti özünün yayıb.

“Görüş olmayacaq. Bu barədə rəsmi şəkildə bildirilməyib. Erməni tərəfi bir neçə dəfə bu görüşün keçirilməsindən imtina edib”, – deyə qəzetin mənbəsi bildirib.

Qeyd edək ki, Azərbaycan, Ermənistan və Rusiya XİN rəhbərlərinin Moskva görüşü 27 aprelə nəzərdə tutulmuşdu.

Azərbaycan XİN hələlik məsələ ilə bağlı açıqlama yaymayıb.

***

Rusiya, Azərbaycan və Ermənistan xarici işlər nazirlərinin Moskvada görüşü baş tutacaq.

APA-nın xəbərinə görə, Rusiya Xarici İşlər Nazirliyinin yaydığı məlumatda nazirlər Sergey Lavrov, Elmar Məmmədyarov və Edvard Nalbandyan arasında görüşün aprelin 28-də keçiriləcəyi bildirilib.

Görüşdə Dağlıq Qarabağ münaqişəsinin nizamlanması məsələsi müzakirə olunacaq.