Urmiya şəhərinin adının təhrif edilməsi əmri Qərbi Azərbaycan valisi Qurbanəli Səadət tərəfindən verilib.

Axar.az xəbər verir ki, vali Urmiya Universitetinin rəisi Rəhim Hobb Nağı ilə məşvərətdən sonra “Urmiya” sözünün “Urumiyə” kimi yazılması barədə göstəriş verib və bütün orqanlardan qərarın icra edilməsini tələb edib.

O, həmçinin, tabeliyində olan rəsmi orqanlar və kütləvi informasiya vasitələrindən latın əlifbasından istifadə edərkən Azərbaycanın tarixi şəhərinin adını “Urmiya” deyil, “Urumiya” kimi yazılması haqqında göstəriş verib.

Qeyd edək ki, coğrafi adların dəyişdirilməsi prosesi Pəhləvi dövründə olduğu kimi İslam Cümhuriyyəti dövründə də davam etdirilir.