Dağlıq Qarabağ konfliktinin həlli ilə bağlı ATƏT-in Minsk Qrupunun həmsədrlik institutu hələlik lazım olan nəticəni əldə etməyib.

Axar.az xəbər verir ki, bunu TASS agentliyinə müsahibəsində Azərbaycanın Rusiyadakı səfiri Polad Bülbüloğlu söyləyib.

“BMT Təhlükəsizlik Şurasının üç daimi üzvünü öz tərkibində birləşdirən format kifayət qədər ciddi görünür. Belə ki, məhz bu ölkələr böyük siyasi çəki və təcrübəyə malikdirlər. Lakin Dağlıq Qarabağ konfliktinin həlli ilə bağlı ATƏT-in Minsk Qrupunun həmsədrlik institutu hələlik lazım olan nəticəni əldə etməyib. Azərbaycan tərəfi daimi olaraq konfliktin həlli üçün lazımlı addımların atılmasının vaxtının çoxdan çatdığını qeyd edir. Mövcud status-kvo qəbuledilməzdir”, - səfir vurğulayıb.