Millət vəkili Qənirə Paşayeva İspaniyada keçirilən beynəlxalq forum çərivəsində Makedoniya Prezidenti Georgi İvanov və xanımı Maya İvanova ilə görüşüb.

Axar.az xəbər verir ki, görüş zamanı Azərbaycanla əməkdaşlığın genişlənməsinə böyük önəm verdiklərini deyən Makedoniya prezidenti Azərbaycan və Makedoniyanın beynəlxalq arenada bir-birinə qarşılıqlı dəstəyinin daha da artmasının əhəmiyyətindən danışıb. O, Azərbaycan Prezidenti İlham Əliyevlə dost münasibətlərinin olduğunu və bunu yüksək qiymətləndirdiyini vurğulayıb.

Makedoniya Prezidenti G.İvanov Azərbaycana səfəri çərçivəsində önəmli müzakirələrin aparıldığını xüsusi vurğulayaraq, Azərbaycanla iqtisadiyyat, enerji, turizm və digər sahələrdə əməkdaşlığı genişləndirmək niyyətində olduqlarını deyib.

Millət vəkili Makedoniya prezidenti ilə görüşdə Ermənistanın törətdiyi vandalizm aktlarından, beynəlxalq ictimaiyyətin bununla bağlı etirazını artmasının vacibliyindən danışıb.