Ana səhifə Siyasət |
Millət vəkili, Avrasiya Beynəlxalq Araşdırmalar İnstitutu İB-nin sədri Qənirə Paşayeva Avropa Parlamentinin üzvü, Ətraf Mühit, Sağlıq və Ərzaq Təhlükəsizliyi komitəsinin rəsmisi Gilles Pargneauxla görüşüb.
Axar.az xəbər verir ki, görüş zamanı millət vəkili Azərbaycanın Avropa Parlamenti ilə əməkdaşlığa önəm verdiyini xüsusi vurğulayıb. Millət vəkili Paşayeva Gilles Pargneauxaya Azərbaycan və Qarabağ həqiqətləri ilə bağlı geniş danışıb. Məcburi köçkünlərin fundamental insan haqlarının bu gün də Ermənistan tərəfindən pozulmaqda davam etməsi barədə söhbət açan Q.Paşayeva bildirib ki, beynəlxalq təşkilatlar, o cümlədən Avropa Parlamenti buna qarşı öz etiraz səsini ucaltmalıdır və Azərbaycan xalqı Avropa Parlamentindən də bunu gözləyir.
Q.Paşayeva Gilles Pargneauxu həqiqətləri öz gözləri ilə görmək üçün ölkəmizə dəvət edib.
Tarix
2017.07.16 / 17:00
|
Müəllif
Axar.az
|