Ana səhifə Siyasət |
Kreml çalışır ki, Ermənistan hərbi cəhətdən Azərbaycandan geri qalmasın.
Bu sözləri Axar.az-a Azərbaycanın Rusiyadan silah almasının ardından Ermənistanın Kremldən hərbi kredit istəməsini şərh edən politoloq İlqar Vəlizadə deyib. O bildirib ki, Rusiya hər iki ölkəyə tək hərbi deyil, siyasi yöndən də təsir etmək istəyir:
“Ermənistan tərəfi kredit və güzəştli şərtlər ilə Rusiyadan hərbi yardım alır. Azərbaycan isə nağd olaraq Moskvadan silah-sursat əldə edir. Rusiyanın məqsədi odur ki, hər iki tərəfin hərbi silahlanmasını nəzarət altında saxlasın. Azərbaycan Rusiyanın siyasətini başa düşür və bundan yararlanmağa çalışır. Rusiyaya hazırda real alıcı lazımdır. Ona görə də bizə verilən silahlar Ermənistana verilən silahlardan daha müasir və kefiyyətlidir. Ermənistan tərəfi buna görə narazıdır”.
Qeyd edək ki, bu gün Ermənistan Rusiyadan yeni hərbi kredit almaq üçün Moskva ilə danışıqlara başladığını bildirib. İrəvan sonuncu dəfə bu krediti keçən il almışdı. Bu kreditin həcmi 200 milyon dollar idi.
Tarix
2017.07.17 / 14:41
|
Müəllif
Nərmin Əkbərli
|