Millət vəkili Qənirə Paşayeva BMT təmsilçiləri ilə görüşüb.

Axar.az xəbər verir ki, BMT Baş katibinin qadınların iqtisadi hüquqları üzrə əlaqələndiricisi və nümayəndəsi Marianne Olesen, BMT-nin Şərqi və Cənubi Afrika qadınları üzrə regional direktoru İzeduva Dereks-Briqqs və BMT-nin Qadınların iqtisadi hüquqları üzrə keçmiş nümayəndəsi Meq Counsla bir araya gələn millət vəkili görüşdə onlara işğalçı Ermənistanın 1 milyon azərbaycanlının 20 ildən artıqdır öz yurd-yuvasına dönməsinə imkan verməməsi barədə məlumatar verib.

Q.Paşayeva bildirib ki, Azərbaycan BMT-nin Təhlükəsizlik Şurasının 4 qətnaməsinin yerinə yetirilməsini gözləyir.

Millət vəkili həmçinin BMT təmsilçilərinə Azərbaycanda qadınların cəmiyyətdə rolunun artırılması istiqamətində görülən işlər, Azərbaycanın birinci vitse-prezidenti, YUNESKO və İSESKO-nun xoşməramlı səfiri Mehriban Əliyevanın rəhbərliyi altında bu istiqamətdə həyata keçirilən layihələr, qadınların cəmiyyətdə rolunun genişlənməsi ilə bağlı məsələlərin dövlət siyasətinin tərkib hissəsi olması ilə bağlı da geniş məlumatlar verib.