Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 İyun 2018


Lavrov konkret təkliflə gəlir - Politoloq

Ana səhifə Siyasət
12 Punto 14 Punto 16 Punto 18 Punto

2016-cı ilin aprel döyüşlərindən sonra sülh prosesində yeni mərhələ başlayıb. Təxminən il yarım ərzində Azərbaycan və Ermənistan prezidentlərinin 3 görüşü təşkil olunub: Vyana, Sankt-Peterburq və Cenevrə görüşləri. Hazırda müşahidə olunan prosesi bu çərçivədə dəyərləndirmək lazımdır. Şərti olaraq bunu “Vyana-Peterburq-Cenevrə prosesi” adlandırmaq olar.

Bu sözləri Axar.az-a açıqlamasında politoloq Şahin Cəfərli deyib. Onun fikrincə, Dağlıq Qarabağ münaqişəsinin həlli üzrə təmasların intensivləşməsinin Soçidə keçirilmiş Putin-Ərdoğan görüşü ilə əlaqəsi yoxdur:

“Sonuncu görüşdə, yəni Cenevrədə prezidentlər növbəti addım kimi həmsədrlərin xarici işlər nazirləri ilə yaxın gələcəkdə işçi görüşü keçirmələrini qərara almışdılar. Moskva görüşü məhz həmin qərarın nəticəsidir, Putin-Ərdoğan danışıqlarının yox.

Hələlik dəqiq məlum olan məqam hazırda əsas müzakirə mövzusunun prezidentlərin keçirdikləri görüşlərdə razılaşdırılan məsələlərin həyata keçirilməsidir. Həmin görüşlərin nəticələri əsasında yayılan bəyanatlarda tərəflərin təmas xəttində gərginliyin azaldılması üzrə razılıq əldə etdiyi açıqlanmışdı. Lakin bu istiqamətdə praktik addımlar atılmır. Böyük ehtimalla Moskva görüşlərində, eləcə də Rusiyanın Xarici İşlər naziri Sergey Lavrovun Azərbaycana və Ermənistana səfərləri zamanı bu məsələnin müzakirəsi prioritet olacaq”.

Politoloq vurğulayıb ki, hazırda proseslər Rusiyanın liderliyi ilə aparılır:

“Qərbdən olan vasitəçilər – ABŞ və Fransa Rusiyanın təşəbbüsü öz üzərinə götürməsinə razı kimi görünür, ən azı onlar buna mane olmağa çalışmırlar. Əsas səbəb budur ki, Rusiya həm Ermənistan, həm də Azərbaycan üzərində ciddi təsir imkanlarına malikdir və hər iki ölkənin Moskva ilə çox yaxın əlaqələri var. Eyni zamanda, hazırkı mərhələdə Qərb üçün Cənubi Qafqazda prioritet ölkə Gürcüstandır. Bu ölkənin Rusiyanın təsir dairəsindən tam çıxarılaraq avroatlantik strukturlara inteqrasiyası prosesi aparılır. Bu səbəblə, Qərb Rusiyanın Azərbaycan və Ermənistanda nüfuzunun genişlənməsindən çox da narahat görünmür. Düşünürəm ki, Rusiya ilə bir çox istiqamətdə mübarizə aparan Qərb yeni cəbhə açmaq arzusunda deyil, ona görə də Qarabağ münaqişəsinin həllində Moskvanın dominant rolu ilə barışıb. Masada münaqişənin həllinə dair konkret təkliflər olduğunu ehtimal etmək olar. Ola bilsin, Lavrov bu təkliflər əsasında bütün həmsədr ölkələr adından hansısa yeni yanaşma, yeni plan ortaya qoyacaq, yaxud ötən müddətdə tərəflərə təqdim olunmuş planın, ideyaların daha konkret və detallı müzakirəsi aparılacaq”.

Qeyd edək ki, Rusiyanın Xarici İşlər naziri Sergey Lavrov gələn həftənin əvvəlində Azərbaycan və Ermənistana səfər edəcəyini açıqlayıb.

Tarix
2017.11.15 / 16:44
Müəllif
Firuzə Vahidqızı
Şərhlər
Загрузка...
Digər xəbərlər

Nikola pul ayrıldı: Putinə qarşı Qərbin İrəvan planı

Qarabağın erməni və azərbaycanlı icmaları... - Nazir

AB “erməni qaçqınlara” niyə milyonlar ayırır?

Ordumuzun Naxçıvan uğuru buna görə mümkün oldu - Nazir

Qarabağla bağlı suala Quterreş və Lavrovun fərqli cavabı

Ərdoğan onunla ikinci tura qalacaq və... - Proqnoz

Nazir açıqladı: Bu ərazilər azad edildi - Video

Putin-Paşinyan gərginliyi dərinləşir: Savaş ehtimalı...

İrəvanda “Bakı böhranı”: Armendən Nikola qarşı sabotaj

Məmmədyarov Belarusa getdi

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla