Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 İyun 2018


Sərkisyan uduzur, Əliyev tezliklə İrəvanı... – Erməni ekspert

Ana səhifə Siyasət
12 Punto 14 Punto 16 Punto 18 Punto

Azərbaycanda keçirilən təlimlərin məqsədi Ermənistanı məhv etməkdir.

Axar.az xəbər verir ki, bu sözləri Ermənistanın 1in.am saytına Azərbaycanda genişmiqyaslı hərbi təlimləri şərh edən erməni politoloq Levon Şirinyan deyib. L.Şirinyan Azərbaycanın Ermənistana qarşı qətiyyətli mübarizə apardığını qeyd edib:

“Azərbaycan vurur, dağıdır, yeni resurslarla mübarizəsini davam etdirir. Bunun da kulminasiya nöqtəsi real döyüş hazırlığı təlimləridir. Qarabağda, cəbhə xəttinə yaxın məsafədə bu miqyasda qoşun və hərbi texnikanın yerləşdirilməsi halında Ermənistan qoşunlarının döyüş hazırlığı vəziyyətinə gətirilməməsi çox pis nəticələrə səbəb ola bilər. Aydındır ki, hərbi rəhbərlikdə və digər dövlət qurumlarında təlimlərlə bağlı gərginlik var. Ancaq Azərbaycanın bu hərəkətləri hələ gərginləşmənin başlanğıc mərhələsidir. Azərbaycan bizi rahat buraxmayacaq”.

L.Şirinyan Azərbaycanın Prezidenti İlham Əliyevin YAP-ın son qurultayında İrəvanla bağlı çıxışına diqqət çəkib:

“Prezident bu çıxışında Azərbaycanın hərbi, siyası planlarını, hərbi doktrinasını elan edib. Əgər Ermənistan rəhbərliyi siyasi oyunları kənara qoyub bu məsələlərə ciddi yanaşmasa, Azərbaycan bizim daxilimizə doğru hərəkət edəcək. Hədəf İrəvan olacaq”.

Rusiya, Türkiyə və Azərbaycan münasibətlərinə toxunan L.Şirinyan tarixin yenidən təkrar olunduğunu, dünyada gedən proseslərdə Rusiya-Türkiyə maraqlarının yaxınlaşması ilə Ermənistanın 1920-ci illərdə olduğu kimi yenidən məhv ola biləcəyini vurğulayıb:

“Bu, Rusiya himayəsinin Ermənistana güvən vermədiyi gerçəyini başa düşən Ermənistan rəhbərliyinin Amerikaya sığınması, qondarma DQR-in “rəhbəri” Bako Saakyanın ABŞ-a səfər edərək orada özünə siyasi və maddi himayədar axtarması fonunda açıq görünür. Ermənistan rəhbərliyi başa düşməli idi ki, Ermənistan Türkiyə və Azərbaycan faktoruna görə Rusiyaya lazım idi. İndi və gələcəkdə strateji maraqların uzlaşması çərçivəsində Ermənistan uzun müddət Rusiyanın yadına düşməyəcək. Bu da Ermənistanın məhvi deməkdir”.

Erməni politoloq Ermənistanda hazırkı ictimai-siyasi vəziyyətdən də söz açıb:

“Ermənistanda elə bir vəziyyət yaranıb ki, guya parlament və baş nazirlik sistemi qurulub. Əslində isə Serj Sərkisyan hakimiyyətini yenidən qurub, sahmana salır. Parlament hakimiyyəti qurulsa da, parlamentin hakimiyyətindən yox, ancaq baş nazirin hakimiyyətindən danışırlar”.

Qeyd edək ki, Azərbaycan ordusunun mart ayının 12-dən başlayaraq 25.000 nəfərədək şəxsi heyət, 250-dək tank və digər zirehli texnika, 1000-dək müxtəlif çaplı raket və artilleriya qurğusu, reaktiv yaylım atəş sistemi və minaatan, 50-dək müxtəlif təyinatlı ordu və cəbhə aviasiyanın iştirakı ilə genişmiqyaslı hərbi təlimlərə başlaması Ermənistanda ciddi narahatlıq yaradıb.

Tarix
2018.03.14 / 16:31
Müəllif
Aygün Yusibova
Şərhlər
Загрузка...
Digər xəbərlər

Putin-Paşinyan gərginliyi dərinləşir: Savaş ehtimalı...

İrəvanda “Bakı böhranı”: Armendən Nikola qarşı sabotaj

Bu ərazilər azad edildi - Nazir açıqladı

Məmmədyarov Belarusa getdi

ATƏT-in nümayəndə heyəti Bakıya gəldi

Azərbaycanlı deputat ermənini susdurdu

Qarabağ Rusiya üçün ciddi məsələdir - Zaxarova

İrimiqyaslı hərbi əməliyyat başlaya bilərmi? – Deputat

İrəvan Bakıya qarşı bunu etməkdən əl çəksə… - Piter Teys

Putin Serji 600 milyona satdı: İrəvana Su-30, Bakıya isə...

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla