Ana səhifə Siyasət |
11:18
Azərbaycan və Ermənistan Xarici işlər nazirinin növbəti görüşü Brüsseldə keçiriləcək.
Axar.az xəbər verir ki, bunu Azərbaycanın Xarici İşlər naziri Elmar Məmmədyarov bildirib.
Nazir qeyd edib ki, iyulun 11-də Brüsseldə NATO-nun Zirvə toplantısı çərçivəsində Ermənistanın Xarici İşlər naziri Zoqrab Mnatsakanyanla görüş olacaq.
Onun sözlərinə görə, artıq ATƏT-in Minsk Qrupunun həmsədrləri də bu görüşlə bağlı işləri yekunlaşdırıblar.
Azərbaycan XİN isə yaydığı açıqlamada Elmar Məmmədyarov və Zöhrab Mnatsakanyanın ATƏT-in Minsk Qrupunun həmsədrlərinin - İqor Popov (Rusiya), Stefan Viskonti (Fransa) və Andrü Sxofer (ABŞ) vasitəçiliyi ilə görüşəcəyi, görüşdə ATƏT-in fəaliyyətdə olan sədrinin şəxsi nümayəndəsi Anjey Kaspişik də iştirak edəcəyi bildirilib.
Qeyd olunub ki, görüş əsnasında Ermənistan-Azərbaycan münaqişəsinin həlli üzrə danışıqlar prosesi müzakirə olunacaq.
Tarix
2018.07.09 / 12:05
|
Müəllif
Axar.az
|