ABŞ Senatı Donald Trampın Azərbaycana səfir göndərmək istədiyi Örl Litzenbergerin namizədliyini təsdiq edib.

Axar.az xəbər verir ki, bu barədə məlumatı “RİA Novosti” agentliyi yayıb. Azərbaycanla bərabər Senat Trampın Ermənistana səfir göndərmək istədiyi Linn Treysinin də namizədliyini təsdiq edib.

Qeyd edək ki, Litzenberger Marşal Fondunun baş elmi əməkdaşı, ABŞ-ın NATO-dakı missiyasının rəhbərinin müavini, NATO-nun Əfqanıstandakı nümayəndəsinin müavini, ABŞ-ın Serbiyadakı səfirinin müavini və ABŞ-ın Qırğızıstandakı səfirinin müavini olub. O, hazırda Dövlət Departamentində hərbi-siyasi məsələlər üzrə Büroda baş müşavir vəzifəsini tutur. İ.Litsenberger fransız, rus, serb və bolqar dillərini bilir.