Ana səhifə Siyasət |
Azərbaycan Respublikasının Dağlıq Qarabağ bölgəsinin azərbaycanlı icmasının rəhbəri Tural Gəncəliyev ABŞ-ın ölkəmizdəki səfirliyinin rəhbəri, müvəqqəti işlər vəkili Vilyam Qil ilə görüşüb.
Axar.az xəbər verir ki, tərəflər arasında maraqlı fikir mübadiləsi olub.
“Azərbaycanın beynəlxalq tanınmış sərhədləri, ərazi bütövlüyü və suverenliyi çərçivəsində Azərbaycanın Dağlıq Qarabağ bölgəsinin azərbaycanlı və erməni icmalarının birgə yaşayışının mümkünlüyü, konstruktiv dialoq və təmasların qurulması haqqında mövqeyimizi amerikalı diplomatın diqqətinə çatdırdım. Bundan ötrü işğalçı qoşunların Azərbaycan ərazilərindən çıxarılması, oradan qovulmuş azərbaycanlıların dərhal geriyə dönməsinin əhəmiyyətini qeyd etdim. ABŞ diplomatı görüşdən məmnun qaldığını və Azərbaycanın Dağlıq Qarabağ icmasının fəaliyyətini yaxından izlədiyini qeyd etdi”, - deyə Tural Gəncəliyev vurğulayıb.
Tarix
2019.01.16 / 19:36
|
Müəllif
Firuzə Vahidqızı
|