Ana səhifə Siyasət |
Paşinyanın Qarabağla bağlı seçkiqabağı tezisləri ondan ibarətdir ki, İrəvan danışıqları qarabağlıların adından aparmayacaq.
Axar.az xəbər verir ki, bu sözləri öz Feysbuk səhifəsində erməni politoloq Stepan Danielyan paylaşıb.
“Seçicilər bu tezisə əsasən seçim etdilər. İndi Ermənistan və Azərbaycan xarici işlər nazirləri danışıqları davam etdirir, Qarabağ problemini müzakirə edirlər. Nəyi müzakirə etdikləri aydın deyil. Əgər Dağlıq Qarabağın statusunu müzakirə edirlərsə, bu o deməkdir ki, hakim qüvvə seçiciləri seçkidən öncə aldadıb”, – deyə o bir müddət əvvəl mediada səsləndirdiyi fikirləri təkrarlayıb.
Danielyan Paşinyanın hazırkı siyasətini Şarl de Qollun Fransanı Əlcəzairdən çıxarmaq qərarıyla müqayisə edib:
“Onlar Qarabağ məsələsində deyə bilməzlər ki, situasiya dəyişib. Zamanında Şarl de Qoll da Fransanın Əlcəzairi tərk etməyəcəyi ilə bağlı fransızlara yalan vəd vermişdi. Qələbədən sonra o tam başqa bir şey etdi. İndi Nikol de Qoll, Qarabağ isə Əlcəzair deyil. Heç nə alınmayacaq. Paşinyan prinsipial şəkildə Artsax adından istifadə etmir, Qarabağ söyləyir”.
Qeyd edək ki, Danielyan analoji açıqlama ilə 3 gün öncə mediada çıxış etmişdi.
Tarix
2019.01.19 / 10:00
|
Müəllif
İlkin Həsənov
|