Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
27 May 2019


Paşinyan Qarabağın işğalını etiraf etdi – Millət vəkili

Ana səhifə Siyasət
12 Punto 14 Punto 16 Punto 18 Punto

Qarabağda Ermənistanın yeni hakimiyyəti Təhlükəsizlik Şurasının iclasını keçirməklə diplomatik baxımdan kifayət qədər kobud səhvə yol verdi.

Axar.az xəbər verir ki, bu sözləri Ermənistanın Təhlükəsizlik Şurasının iclasının ilk dəfə olaraq Xankəndidə keçirilməsinə münasibət bildirən millət vəkili Fazil Mustafa deyib. O bildirib ki, Ermənistan bu addımla Qarabağın işğalının siyasi etirafını bəyan etmiş oldu:

“Burada məqsəd Qarabağ ermənilərində heç vaxt Azərbaycan torpaqlarını geri qaytarmayacaqlarına dair inam yaratmaq idi. Bu, həm də Azərbaycanda pessimizm yaratmaq niyyəti daşıyırdı. Ermənilər işğal olunmuş bütün Azərbaycan ərazilərində yollar salıb, evlər tikir, qəsəbələr inşa etməklə bizi ruhdan salmağa çalışırlar. Görünür, himayədarları onlara təminat verir ki, Azərbaycan psixoloji cəhətdən yenidən dirçələ bilməyəcək. Bunlar gözlənilən, proqnozlaşdırılan davranışlardır, ona görə də yenidən dirçəlişin istiqamətlərini doğru təyin etməkdən başqa alternativimiz qalmayıb. Bu halda isə ən isabətli yol bütün sahələrdə ölkənin güclənməsi üçün düşüncələrimizi paylaşmaqdır”.

Deputat qeyd edib ki, dövlətin moderatorluğu altında siyasi qüvvələrin, ictimai güc və düşüncə adamlarının problemləri açıq müzakirəsinə ehtiyac var:

“İllərdir siyasətdə olsam da, dövlət adına hələ kimsə soruşmayıb ki, sənin Qarabağla bağlı düşüncən, təklifin nədir? Əminəm ki, mənim kimi yüzlərlə azərbaycanlıdan da bu sual soruşulmayıb. Ona görə müzakirələrə zərurət var ki, Qarabağın taleyi, ölkənin gələcəyi ilə bağlı bu dövlətin, bu vətənin və millətin məsuliyyətini daşıyan insanlar düşüncələrini ortaya qoysunlar”.

Millət vəkili buna görə də birinci, təhsildən, ikinci isə səhiyyədən başlamağı zəruri bilib:

“Finlandiya, İsrail və İrlandiyanın inkişaf modeli əsasında məhz bu sahələrdəki etiraf və dəyişim təməl rolunu oynayıb. Ən azı irəlidəki yarım əsrdə fin, yəhudi, irland kimi düşünən azərbaycanlıya çevrilməyi bacarmasaq, Dədə Qorqud babamızın dövründən qalmış sapand daşını bugünkü fələstinli dindaşlarımız kimi havaya fırlamaqla başımızı girləyəcəyik. Bəs ermənilər növbəti təhlükəsizlik yığıncağını Şuşada keçirsələr nə olacaq? Əgər özümüzə aid olan zəruri addımları atmağa tələsmiriksə, bizim üçün onların bayram və iclaslarını harada keçirmələri fərq edərmi?”

Tarix
2019.03.13 / 14:39
Müəllif
Aygün Yusibova
Şərhlər
loading...
Digər xəbərlər

Nəyi hara soxmağı Əlizadəyə anlada bilərəm – Səfir

Zurabişvilidən növbəti Keşikçidağ açıqlaması

Azərbaycanlıların prezidenti olmaqdan fəxr edirəm - Salome

İqtidarda heç nəyə yaramayan adamlar var – Millət vəkili

İlham Əliyev 3 sərəncam, 1 fərman imzaladı

İlham Əliyev rusiyalı nazirlə görüşdü

Azərbaycan hücuma keçərsə... - Erməni təşvişinin səbəbi

Misirli professor: Əlimdən gələni edəcəyəm ki, Azərbaycan...

Oqtay Əsədov Bundestaqın üzvləri ilə görüşdü

İlham Əliyev 2 sərəncam, 1 fərman imzaladı

KULT
<>
Xəbər xətti
 
e-vetendash
  
  
  
Axar.az'da reklam Bağla
Reklam
Bize yazin Bağla