Türkiyənin Müdafiə naziri Hulusi Akar ABŞ Müdafiə nazirinin səlahiyyətlərinin müvəqqəti icraçısı Patrik Şanahanın S-400-lərlə bağlı ünvanladığı məktuba münasibət bildirib.

Axar.az xəbər verir ki, bu barədə Akar Azərbaycan-Gürcüstan-Türkiyə Müdafiə nazirlərinin Qəbələdə 7-ci üçtərəfli toplantısı çərçivəsində jurnalistlərin suallarını cavablandırıb.

“Bildiyiniz kimi, ABŞ Müdafiə nazirinin səlahiyyətlərinin icraçısından məktub gəlib. Məktubda mövcud problemlərə strateji müttəfiqlik çərçivəsində təhlükəsizlik sahəsində hərtərəfli əməkdaşlığı mühafizə edəcək şəkildə bir həll tapılması və danışıqların davam etdirilməsi istiqamətində gözləntilər dilə gətirilsə də, üslubun müttəfiqlik ruhuna uyğun olmadığını ilk andan etibarən gördük. Lazımı cavabı hazırlayırıq. Qarşıdakı günlərdə bu cavabı verəcəyik”, - Akar bildirib.