Ermənistan tərəfi danışıqlar prosesinə ciddi şəkildə xələl gətirir.

Axar.az xəbər verir ki, bu sözləri Bakı Politoloqlar Klubunun sədri Zaur Məmmədov deyib.

Onun sözlərinə görə, Paşinyanın son bəyanatları Azərbaycana əsas verir ki, torpaqları hərbi yolla azad etsin:

“Paşinyan və Mnatsakanyanın “Qarabağ Ermənistanındır” sözlərindən sonra Azərbaycan XİN tərəfindən müvafiq beynəlxalq təşkilatlara müraciətlər edildi. İndi növbə beynəlxalq təşkilatlarındır. Əgər onlar Ermənistanın bu davranışlarına göz yumsalar, Azərbaycan tərəfi münaqişəni digər yollarla həll etmək üçün “mandat” alacaq. Onsuz da bu illər ərzində bütün beynəlxalq qətnamə və qərarlar Bakıya icazə verir ki, bizim olan torpaqları erməni terror birləşmələrindən azad edək”.