Azərbaycan KTMT üzvü olmadan bu təşkilatda Ermənistandan daha böyük nüfuza sahibdir.

Axar.az xəbər verir ki, bunu Ermənistan parlamentinin deputatı Arman Babacanyan deyib.

“Azərbaycanın təşkilatdakı mövcudluğunu Belarus və Qazaxıstan təmin edir. KTMT-də bizim yeganə müttəfiqimiz hələlik Rusiyadır. Rusiya isə Ermənistanla müttəfiqlik münasibətlərini siyasi və geosiyasi konyunkturadan irəli gələrək icra edir. Bununla belə Ermənistan Rusiya üçün hətta öz dövlət maraqları hesabına hər şeyə hazırdır. Biz Rusiyaya hər şeyi veririk, əvəzində isə heç nə almırıq. Biz KTMT-də qalmağa və bu strukturun maraqlarına Rusiyanın bizi cəzalandırmaması üçün xidmət etməyə davam edirik”, – deyə o bildirib.