Monitorinq Komitəsində münaqişələrə dair alt komitənin iclasının uzun müddətdir ki, keçirilməməsinin xüsusi bir səbəbi yoxdur.

Bu sözləri millət vəkili Səməd Seyidov Axar.az-a eksklüziv açıqlamasında deyib.

Onun sözlərinə görə, buna səbəb gündəmdə xüsusi bir məsələnin dayanmamasıdır:

“Bilirsiniz ki, bu komitənin gündəmində təkcə Azərbaycan və Ermənistan münaqişəsi deyil. Burada Moldova, Gürcüstan, Ukrayna, Azərbaycan, Ermənistan təmsil olunur. Gündəlik hansısa formada yetişdikdən sonra iclas keçiriləcək. Onlar hansısa bir məqamda ümumi gündəlik formalaşdırdıqdan sonra bu, baş verəcək. O ki qaldı Dağlıq Qarabağ münaqişəsinə, bu məsələ bütün komitələrdə gündəmdədir”.

Seyidov monitorinq komitəsinin işində iştirakına da toxunub:

“Hesab edirəm ki, bu gün monitorinqlə yanaşı ən vacib komitələrdən biri siyasi komitədir – insan haqları və demokratiyanın inkişafıdır. Və mən hər iki komitənin işində iştirak edirəm”.