London məhkəməsi Qazaxıstanın eks-prezidenti Nursultan Nazarbayevin nəvəsi 28 yaşlı Aysultanı şərti olaraq 1 il azadlıqdan məhrum edib.

Axar.az xəbər verir ki, bu məlumatı BBC yayıb. Nazarbayevin nəvəsi polisə hücumda günahkar bilinib.

Məhkəmənin qərarına əsasən Aysultan barədə 18 aylıq sınaq müddəti nəzərdə tutulub. Bu dövr ərzində o, hansısa qanun pozuntusu etsə, şərti həbs həbs qətimkan tədbiri ilə əvəzlənəcək.

Məhkəmə həmçinin Nazarbayevin narkotikdən asılılığının azaldılması üçün məcburi müalicəyə göndərilməsi, 140 saat ictimai iş görməsi, 1000 funt sterlinq cərimə ödəməsi və 5000 min funt sterlinq dəyən zərərə görə kompensasiya ödəməsi haqqında qərar qəbul edib.

Qeyd edək ki, Aysultanla bağlı insident 5 iyunda yaşanıb. O, Londonun mərkəzindəki eyvana çıxaraq, Allah adının keçdiyi ifadələr qışqırıb. Onun qonşuları bunun terror təhdidi olacağını düşünərək polis çağırıb, amma sonradan Aysultanın narkotikin təsiri altında olduğu müəyyən edilib.

O, daha sonra polisə müqavimət göstərərək, onlara zərbə endirib və onlardan birini dişləyib.