Rusiya Dağlıq Qarabağ konfliktinin həllində vasitəçilik fəaliyyətini davam etdirir.

Axar.az xəbər verir ki, bu məlumat Rusiya Xarici İşlər Nazirliyinin Sergey Lavrovun Ermənistana noyabrın 10-da baş tutacaq səfəri ərəfəsində yaydığı bəyanatda yer alıb.

“Dağlıq Qarabağın həlli prosesində tərəflərə dəstək göstərilməsi, Rusiyanın xarici siyasət prioritetləri sırasına daxildir və Rusiya prezidentinin diqqət mərkəzindədir”, - deyə bəyanatda bildirilib.

XİN konfliktin həllinin yalnız siyasi, diplomatik vasitələrlə reallaşdırılması gərəkdiyini açıqlayıb. Moskva bu cəhdlərin əvvəl-axır irəliyə doğru addımlamağa və kompromisə gəlməyə imkan verəcəyini söyləyib.