Milli Məclis “Azərbaycan Respublikasının 2020-ci il dövlət büdcəsi haqqında” Azərbaycan Respublikası qanununun layihəsi birinci oxunuşdan qəbul edilib.

Axar.az xəbər verir ki, Milli Məclis plenar iclasda səsləndirilən təkliflərlə bağlı hökumətə noyabrın 26-na qədər vaxt verib.

Bu müddətdə hökumət parlamentdə səsləndirilən təklifləri nəzərdən keçirəcək.

Büdcə müzakirəsi noyabrın 26-da davam edəcək.

Qeyd edək ki, dünən Milli Məclisdə başlayan büdcə müzakirələri zamanı deputatlar bir sıra təkliflər səsləndirib. Millət vəkilləri 2023-cü ilə qədər müdafiə xərclərinin azaldılmasına etiraz edib, siyasi partiyalara, QHT-lərə və KİV-lərə də ayrılan vəsaitin artırılmasını və.s təkliflər ediblər.