Nikol Paşinyan baş nazir olan kimi Njdenin abidəsini sökməli idi.

Axar.az xəbər verir ki, bu sözləri məşhur rusiyalı siyasi şərhçi Qriqori Trofimçuk deyib.

Onun sözlərinə görə, Ermənistanın hökumət başçısı bunu heç bir tərəfdən hər hansı bir xatırlatma olmadan etməli idi.

“Bu, yaxşı siyasi gediş olardı. Ən əsası o, heç bir xərc və səy olmadan Serj Sərkisyan siyasətinin sökülməsini nümayiş etdirərdi. Lakin indi bunu etmək üçün gecdir. Bu cür addım onun şəraitin təzyiqi altında bunu etməyə məcbur olduğunu göstərəcək”, - ekspert qeyd edib.

Trofimçuk artıq Paşinyanın bu cür addım atmayacağına əmin olduğunu bildirib:

“Əslində Düşənbədə də hər kəs gördü ki, Njdə ona ideoloji cəhətdən yaxındır. Üstəlik, Njdenin Rusiyaya təzyiq alətlərindən biri olduğu da başa düşüləndir. Əslində Njde məsələsi məhz elə bu səbəbdən bu yaxınlarda İrəvanda peyda oldu”.