Ana səhifə Siyasət |
Ermənistanın Baş naziri Nikol Paşinyan eks-prezidentlər Robert Köçəryan və Serj Sərkisyanı həbsxanaya yollamaqla həm də keçmiş lideri Levon Ter-Petrosyanın intiqamını alır.
Axar.az xəbər verir ki, bunu analitik Elxan Şahinoğlu qeyd edib. O, Ermənistanın sabiq prezidentlərinin həbs edilməsinə diqqət çəkib:
“Ermənistanın Baş naziri Nikol Paşinyan arxasında Kremlin dayanmasına baxmayaraq, keçmiş prezident Robert Köçəryanı həbs etdirdi, indi də digər eks-prezident Serj Sərkisyanın korrupsiya ittihamı ilə üzrə həbsinə hazırlıq gedir. Belə görünür ki, Paşinyan Köçəryandan və Sərkisyandan ancaq özünün intiqamını almır. Köçəryan-Sərkisyan cütlüyü 1997-ci ildə o zamankı prezident Levon Ter-Petrosyanı hakimiyyətdən çevriliş yolu ilə uzaqlaşdırmışdılar. O illərdə Nikol Paşinyan Levon Ter-Petrosyanın yaxın tərəfdarı idi, eyni ideologiyanı bölüşürdülər. Demək, Paşinyan Köçəryanı və Sərkisyanı həbsxanaya yollamaqla həm də keçmiş lideri Levon Ter-Petrosyanın intiqamını alır”.
Tarix
2019.12.09 / 16:03
|
Müəllif
Büllurə Yunus
|