Qərb və qərbmeyilli qüvvələr Qafqazda öz mövqelərini möhkəmləndirmək üçün ən zəif bənd kimi Ermənistanı seçib. Məhz bu qüvvələr çoxgedişli siyasi kombinasiyadan sonra Nikol Paşinyanı hakimiyyətə gətirdilər.

Axar.az xəbər verir ki, bu sözləri almaniyalı siyasi analitik Aleksandr Rar N.Paşinyanın Berlinə səfərini erməni mətbuatına şərh edərkən deyib.

“Paşinyan çoxlu sayda vədlər verdi, rüşvətkorluqla mübarizə aparacağını bildirdi, amma hakimiyyət kreslosuna oturduqdan sonra hər şeyi yaddan çıxardı. O, gah Rusiyaya tərəf, gah da Qərbə tərəf meyil saldı. Hazırda vəziyyət elə bir həddə çatıb ki, o, tək qalıb”, - alman ekspert vurğulayıb.